EnergyBOX
(Енерџибокс)

Сектор

Урбана опрема/ урбана интервенција

Локација

Може да се постави секаде

Година на проект

2021

Награди

прва награда/ победник

- Креативен Бизнис Куп на Македонија 2021

Community Award

-Social Impact Award Macedonia 2021

Учество и едномесечна програма

-Интернационална конференција BRIGHT Copenhagen 2021

Проектант

Архикс Студио + Елена Шутева (програмер)

3Д визуелизации

Архикс Студио

EnergyBOX е нов тип на паметна урбана опрема ‐ микро центар за работа на отворено.
EnergyBOX е комбинација на концептот на РАБОТА, преку основните елементи на модерна канцеларија (биро + приклучок за струја + стабилен интернет) и концептот на ЈАВЕН / ОТВОРЕН ПРОСТОР, составени во мала кутија 3x3x3 метри. Нуди дополнителни еколошки, социјални и функционални вредности: е енергетски ефикасен ‐ има соларна енергија;достапен за лица со нарушена подвижност; модуларен ‐ повеќе кутии може да се постават поврзани една до друга во група; лесен за инсталирање; има простор за брендирање и има можност за тимска работа
со други зборови ‐ целосно се прилагодува на новиот начин на живот.

EnergyBOX го разубавува јавниот простор и може да се постави на било кој отворен простор.

До идејата за EnergyBOX дојдовме како одговор на глобалните предизвици – пандемијата со Covid-19 и новата ера на поврзаност и дигитални технологии – во која секој треба да биде достапен во секое време.

Идентификувавме два клучни проблеми на кои можеме да понудиме решение:

Сѐ поголем број луѓе работат онлајн и поминуваат повеќе време затворени дома, што предизвикува стрес и негативно влијае врз менталното и физичкото здравје;
Во јавните простори нема места за полнење уреди и поврзување на стабилен интернет.

EnergyBOX ги решава овие проблеми преку едноставни решенија:

Обезбедува простор за работа на отворено;
Нуди станица за полнење дигитални уреди;
Обезбедува хотспот за стабилна и брза интернет конекција.

Долгорочни придобивки од проектот:

Социјални импликации:

Подобрување на јавниот простор и создавање место за социјализација;
Подигнување на свеста за одржливи и енергетски ефикасни решенија;
Промовирање на еднаквост: пристапност за лица со попреченост.

Технолошки импликации:

Иновација во областа на паметна урбана опрема;
Вградување на ИКТ компоненти/софтвер – дел од концептот на „паметен град“;
Поврзување на архитектурата со информатичката технологија.

Економски импликации:

Проширување на пазарот за урбана опрема со нов сегмент.

Подобрување на квалитетот на живот:

Поттикнување на постпандемиска свест за јавно здравје.

Еколошки импликации:

Висока енергетска ефикасност;
Нула еколошки отпечаток.

Главни карактеристики на проектот:

1. Простор за работа на отворено

– EnergyBOX има еден централен елемент: работна маса, погодна за 4 лица. Масата има подвижни прегради – кои можат да се подигнат за поголема приватност при индивидуална работа или да се спуштат за тимска/групна работа.

2. Свест за постпандемиските последици

– уште една функција на преградите на масата е физичката одвоеност, а столчите се поставени дијагонално за да се овозможи безбедна оддалеченост меѓу корисниците.

3. Станица за полнење електронски уреди

– EnergyBOX има електрични приклучоци за 4 уреди, соодветни за лаптопи и мобилни телефони.

4. Снабдување со соларна енергија

– на покривот се поставени три соларни панели од 150 W, поврзани со инвертер и мала батерија – што го прави EnergyBOX енергетски ефикасен и независен од електричната мрежа.

5. Модуларност

– можност за поврзување на повеќе EnergyBOX единици во група, доколку постои потреба од поголем работен простор.

6. Лесна монтажа / демонтажа

– едноставно склопување и расклопување, со нулта трага врз животната средина.

7. Пристапност за лица со намалена подвижност

– EnergyBOX има доволно простор и спуштачки рампи за лесен пристап со инвалидска количка. Столчето има механизам за спуштање до подот, со што не претставува пречка при движењето.

8. Мултифункционални елементи

– страничните површини може да функционираат и како ѕидови и како рампи, во зависност од потребата.

9. Можност за целосно затворање

– кога нема сонце (во вечер или при непогодни временски услови), EnergyBOX може целосно да се затвори за да ги заштити внатрешните уреди.

10. Стабилна интернет конекција – обезбедена преку рутер со хотспот.

11. ИКТ слој – мобилна и веб апликација:

-Мобилна апликација која ќе ги поврзува сите локации на EnergyBOX на мапа, ќе обезбедува мерни податоци (температура, воздухно загадување и сл.), ќе функционира како платформа за информации и рекламирање по барање на клиентите, исто така, ќе нуди промоции и попусти за клиентите.

12. Простор за брендирање

– покрај апликацијата, клиентите можат да се рекламираат и на физичкиот простор за брендирање, поставен на горниот дел од EnergyBOX. Дополнително, отворените/затворените странични панели исто така можат да се искористат за брендирање или визуелна комуникација.