d6.jpg

Ентериер
Mercury

Сектор

Ентериер

Локација

Карпош, Скопје

Година

2021

Површина

73м2

Проектант

Архикс Студио

3д визуелизации

Архикс Студио

Мercury е стан на двајца млади, забавни и амбициозни луѓе, кои обожаваат растенија и кучиња, работат од дома, имаат интересни хобиа и сакаат нивниот дом да зрачи удобност и свежина. 

Затоа, креиравме ентериер кој во многу инстанци е погоден специфично за нив! Идејата од самиот старт беше да создадеме еден релаксиран, бохо простор, со многу растенија, светлина и добро искористен простор. 

1.jpg
3.jpg

ДНЕВНА СОБА

Дневната соба е со светол мебел кој е голем и удобен, на кој контрастно се поставени мали, лесни масички и полици со дрвена плотна и метални нигарки.

Освежена е со пастелна светло зелена боја на ѕид (фокусниот ѕид), и монохроматски уметнички на двата ѕида. Освен амбиентално осветлување со спуштен плафон и плафонски рефлектори, има две ламби од двете страни на троседот за акцентно осветлување. 

 

Ѕидот на телевизорот е со текстура на сива цигла.

Copy of Mercury дневна трпезарија ентериер .jpg
работна сова2_edited.jpg

ТРПЕЗАРИЈА

Трпезаријата е централно поставена и претставува спој меѓу дневната,кујната, канцеларијата и влезниот простор. Затоа е акцентирана со кружна маса, спуштен плафон обоен во окер боја и висечки лустер.

РАБОТНА СОБА

Подигната на повисоко ниво во однос на другите простории, одвоена само физички, но не и визуелно, со авангардна полица која претставува еден вид на динамична преграда, која постојано може да го менува својот изглед.

Работната соба, за двајца програмери и гејмери, е со долго едноставно биро и амбиентални светла во боја за футуристички изглед.

ВЛЕЗЕН ПРОСТОР

На самиот влез во станот дочекува вибрантна сцена со пастелно жолт ѕид, и голем шкаф за обувки кој истовремено претставува структурално огледало, кој ја отсликува целата трпезарија. Насочената светлина на рефлекторите на шина додава на филмскиот ефект кој се добива. Зад вратата е поставена уметничка слика под која има функционална клупа на отклапање која се употребува при облекување обувки.

кујна_edited.jpg

КУЈНА

Едноставна и со доминантна дрвена текстура, кујната оддава скандинавска слика. За да се постигне контрастот и драматичноста кој го има трпезаријата, горната лента на елементи е во мат црна боја, со Optimatt панели на кои не се познаваат отпечатоци од прсти. Кујната е осветлена со 4 рефлектори на шина кои лесно можат да се насочат во било која насока по потреба. Има антрацитен гранитен мијалник кој се вклопува во играта на текстури наместо бои.

viber_image_2022-07-29_14-22-00-246.jpg
11_edited.jpg

БАЊА

Обложена со темно сиви плочки со гранитна текстура, во комбинација со дрво и скриено светло зад големото кружно огледало кај мијалникот, бањата изгледа луксузно иако е мала. Машините за перење и сушење и болјерот се скриени во плакар помеѓу вц школката и туш кабината, која е обложена со плочки со дрвена текстура. Мијалникот е тип корито, а вц школката е висечка, со скриено казанче. 

САУНА

На задниот дел на бањата е семестена сауна која е целосно обложена со дрво. Плафонот е обложен со брановидни дрвени елементи. По целата должина на сауната има лента од скриено ЛЕД црвено светло кое дава мистична атмосфера. 

sauna_edited.jpg

СПАЛНА

Спалната е храбра и впечатлива, со темно портокалова доминантна боја. Зад големата спална има голема наткасна која е простор за складирање и каде се скриени штекери и ноќни светла. Во аголот кај прозорецот има катче за читање со мала библиотека и отоман поставен во нишата, кој се користипо потреба и во катчето за припремање, каде има големо огледало и полици, врамени со скриени светла, кои ја истакнуваат сјајната портокалова позадина.

spalna 2.jpg
viber_image_2022-07-29_14-33-05-682_edited.jpg

Погледнете повеќе слики во галеријата

Previous