Ентериерот на Gemini е во традиционален и рустичен стил, отсликувајќи ги карактерите на младата двојка за кого е наменет овој простор. Теракота, кожа и дрво се доминантните материјали, кои креираат една луксузна, но удобна атмносфера.
Осветлувањето е интимно и пригушено, со висечки лустери над шанкот, трпезариската маса и днeвната. Кујната е со дрвена текстура и плочки со текстура на камен, врамена во темни висечки елементи и бели елементи на долниот дел.
.jpg)
.jpg)
Тоалетот е повторно во истиот стил, со рустични темно сиви плочки во комбинација со светло беж, и елементи со текстура на дрво. Површините се чисти и без многу декорации, динамиката на просторот е постигната со визуелен контраст.
Детската соба е со два единечни кревети на спрат, со долга работна маса поставена по должина на ѕидот со прозорец, кој е обоен во светла резеда боја. Еден од ѕидовите е обоен темно, на што како контраст се поставени бели полици.
Спалната соба е дефинирана со централниот елемент на креветот, кој „продолжува“ по заднит ѕид и на плафонот, каде што е поставено скриеното светло. Се карактеризира со јаки контасти и неутрални тонови. Другите елементи се со светла дрвена текстура.
.jpg)
Погледнете повеќе слики во галеријата